Iruñeko dantzari-lagun batek bidali digu Eibarko dantzari batzuri X-eko hari bat 1936ko abenduaren 25ean gerrako frontean zirenek suetena egin eta periodikoak, ardoa eta tabakoa partekatu zituztenekoa. https://x.com/NosRobaronEl/status/1871960731920503053?t=dEpA0id2Q8qQtA5-UpyY4Q&s=03
Niri ezaguna zitzaidan pasadizoa, uste nuen Jesus Gutierrez-en liburuan jasota zegoela, baina orain begiratu dut eta ez dut aurkitu. Izan liteke ondo ez begiratu izana ere, kajoian guraizak ez daudela zin egin ondoren ama etorri eta zure begi aurrean kajoitik ateratzen zituenean moduan. Orain seme-alabei egiten dizkiegu horrelakoak. Tira, honetan ere amaren bidean nabil, berehala galtzen naiz. Jesusek berak hitzaldi edo bisita-gidaturen batean ez bada, agian Oier Gorosabelek kontatutakoa da? Jesusen liburuan ez dut trukearen kontakizuna aurkitu, baina bai horrek izan zituen ondorioena, Amuategi batalloiko batzuk arrestoan jarri zituztela Santa Kurutz ermitan bueltan etsaiarekin truke batean parte hartzeagatik. Ea norbait gabon-istorio honen nondik norakoak nik baino zuzenago eta iturriak argituz osatzeko moduan zaudeten. Oier -- ____________________________________________ Oier Araolaza Arrieta - [email protected] [image: Dantzan bizi gara. Eta zu?] <https://dantzan.eus/kidea/dantzanbizi/nik-ere-dantzancom-babesten-dut>
________________ Mezu gehiago ez jasotzeko, idatzi hona: [email protected]
