Eskerrikasko Eneko!
Sustatun ipiñi duan grabau hori da neuk faltan nekan perspektibia. Dana
argittuta.
http://sustatu.eus/eastigarraga/1465466402
Zeiñek egindako grabaua da ba? Firman J. Serrano edo distingitzen juat.
Librururen baten argitaratuta dago?
O.
Enekok:
Serafinek eta akordatuko dira hobeto, baina nik tunel bat oroitzen dut
Casino Amistad izandakoaren parketxoaren azpitik, (etxe hori 1971-72ean
bota zuten eta lagun bat bizi zen bertan).
Inguruan bizi nintzen eta etxe horrek bere aurrean parketxoan sarritan
jolasten genuen. Pare bat banko zeuzkan eta espaloia baino metro erdi
gorago (Ikus argazkia
<https://3.bp.blogspot.com/-qkJDjWwjq7w/VxvsDk0gPEI/AAAAAAAAIM4/plPtccpZ4NIk9Pt2luDnhUXos2ObOChhwCLcB/s1600/SJ1221_plazaola%2B1971_72.jpg>)
zegoen. Birjinapeko tunela parketxo horren azpitik zihoan, etxeari
paralelo, gero kurba eginez dosdemayora/errekara bajatzeko.
Baina nire garaian kalbeto kaletik tunelera sartzea bazegoen, eta sartzen
ginen jolastera edo, 15-20 metro inguru barrura joan, baina ezin zen jaitsi
errekaraino. Itxita zegoen hor, gutxi gora behera beste argazki honetan
<http://2.bp.blogspot.com/-WO3HrdCImvw/TaDa5iS1gMI/AAAAAAAAAeI/XEQZTZjGxbk/s1600/SJ00101_plazaola+1953.JPG>
1 ipintzen duen tokian.
Kalbetoian harrizko aldapatxo bat zegoen, komestible denda bat zeukan
etxeraino bajatzeko (Monikaren denda uste dut), eta aldapatxo horretatik
eskumara jota, parkearen azpitik, hasten zen birjinapeko tunela.
Beraz, nire garaian behintzat eta supongo etxe hori egin zenetik gutxienez,
90 graduko kurba egiten zuen bideak. Beharbada lehenago zuzenean joango zen
gaur egun "Dardai" (eta ez "Ardai") dagoeneraino.
Sinistu ezina bada ere, aipatu dudan Kalbetoiko aldapa horretan, 1970ko
Eibar industrialean, koltxoietako artilea astintxen zuten Kalbetoiko
bizilagunak eta aizkoararekin ekonomikarako abarrak prestatzen zituzten
kalean bertan!
eneko
--
***
Oier Gorosabel Larrañaga
http://www.abante.eus
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
