Nik sinatuen nuen, eta zure kezka berdina daukat, tokayo. Euskal Herriko kirol nazionala oinez ibiltzea da. Eta bidegorriak horretarako ibiltzen diran. Soraluze eta Mekolalde artean hamaika bidar ibili naiz korrika, bizikeltan behin bakarrik. Eta bertara noan bakoitzean oinezko mordoa eta txirrindulari bat edo beste ikusten ditut.
Beste bidegorri batzuetan ibili izan naizenean berdin. Holandan bizikletan ibili ginenean alderantziz. Han oinezko bakar batzuk soilik bidegorrietan. Gainera, txirrina jo eta segituan kentzen ziran erditik. Holandan zikloturistak bidegorrietatik joatera daude behartuta, errepidetik badoaz bozina jotzen diete autoek. Ez dakit hemengo politikariek zer duten buruan bidegorrientzat, planik badaukate (GFA badabil plan bat egiten hurrengo urteetarako). Baina oraingoz ezinezkoa iruditzen zait hemengo zikloturistak bidegorrietara bideratzea. Zergatik?: - Oinezko gehiegi dago, arriskutsua da txirrindulari zein oinezkoentzat - Abiadura mugatuta dago bidegorrietan. Holandan ere bai, baina ez du inork errespetatzen. Praktikan, hemen bezala. Ze bidegorrietan ezin da 10 km/o -tik gora joan, eta abiadura hori di-da pasatzen du edonork, baita ume batek ere. - Bizikletan ondo ibiltzen dakite. Azkar ibili arren ez da ezer gertatzen. Hirietan adibidez, ziklistak alde danetatik agertzen dira eta kaosa dirudien arren ez da ezer gertatzen. - Holandan azpiegiturak eraikitzean, bizikletan pentsatzen dute baita ere: autobideen alboan, dikeetan, ... eta aparkalekuak edonon. Erosketa egitera ere bizikletan doa jende mordoa. Aiton-amonak herritik herrira bizikletan joaten ikusi genituen. - Kultura: ohituta daude elkarbizitzera oinezkoak, autoak eta txirrindulariak. Hemen aldiz, batak eta besteak, nola esan, legearen gainetik daudela uste dute. Bestalde, Elgoibar - Eibar - Ermua bidegorriz lotzea ondo legoke. Baina ezkorra naiz. Lau administrazio koordinatu behar direlako: GFA (Maltzagatik Azitainera), Eibarko udala (herri barruan), Bizkaiko Foru Aldundia (oker ez banago, Olerreagatik aurrera) eta Ermuko udala (eta agian baita Zaldibarkoa ere). Eta amaitzeko. Eibarren geroz eta gazte gehiago ikusten ditut bizikletan, gora eta behera. Baina asko eta asko espaloi gainetik. Eta gure herriko espaloiak nolakoak diren ikusita, ba ez dakit poztu edo arduratu. Mikel Larreategi<[email protected]> igorleak hau idatzi zuen (2014(e)ko maiatzak 19 08:30): > Jubilatuaren lobbyak beste ekintxa bat egin du: bidegorria eskatzen hasi > dira. > > Lehengoan prentsan eta atzo San Andres eliza aurrean sinadurak eskatzen > ikusi nituen. > > Baina ez dakit ba.... bidegorria bizikletan ibiltzeko dela badakite? Ala > pasiatzen ibiltzeko nahi dute bidegorria? > > Mikel > > -- > Mikel Larreategi > > _______________________________________________ > Harpidetza eteteko, bidali mezua hona: [email protected] > izenburuan jarriz 'unsubscribe' (horixe bakarrik, komatxo barik) > > Ondoren konfirmazio mezua jasoko duzu harpidetza-etetea berresteko. >
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
