Asteburuan, gure amari (Adela Larrañaga, Eibar 1930) ipointxo xelebre
bat jaso detsat. Sekulan entzun barik nekan; bere esanetan, gurasuen
belaunaldiko jente askok kontatzen zeban anekdotihau. Lehelengo,
jasotako moduan ipiñikot (berez, gazteleraz kontau desta); gero,
komentarixo batzuk.
*/Gimon medikua, Errebaleko etxeko balkoian. Kontatzen danez, etxian
txori kantari bat zekan. 1931eko aprillian, Errepublikia aldarrikatu
zanian, kaixolia zabaldu eta txorixari esan ei zetsan:/*
**
*/- Ju'hari. Heu be libria izan bi'haiz!/*
**
*/Kontua da, txori kantarixori preso jaixotakua izan bihar zala.
Eta, kanpuan zelan ibilli eta nora juan asko ez zekixanez,
kaixolatik urtetziakin batera pareko agustinen komentuko ortura juan
zala. Eta orduan Gimon diagarka hasi zala, estu:/*
**
*/- Eeeez...! Horra eeeez....! Hor etxagok libertaderiiiik....!/*
Horraiñok amak kontautakua. Politta, ezta? :-D
Imajinatzen dot mediku hau Julian Gimon Rezola izango zala: Auñamendi
entziklopedian irakorri dotenez, Bergaran 1898an jaixo zan, umetan
etorri zan Eibarrera (bere aitta alkatia izan zan), eta bertan bere
lehelengo klinikia ipiñi zeban (Clinica Arrate); gero 1926xan Basurtuko
ospittalian plazia etara zeban. 1936ra arte ANV-eko kidia izan zan;
kartzeletatik pasau eta gero, 50.ko hamarkadan klinika pribau txiki bat
ipiñi zeban (gaurko Clinica Guimón), eta Igualatorio Medico Quirurgicuan
sortzaillietako bat izan zan.
Entzunda zekazuen ipoiñ hau? Edo beste aldaeraren bat?
O.
________________
Mezu gehiago ez jasotzeko, idatzi hona: [email protected]
