Eskerrikasko Bego! Bai, ondo erantzunda geratu da nere galderia.
Halan be, argazki fonduei buruzko zalantza orokorrak dakadaz (zuek
dakazuezenak, edo "guregipuzkoa" moduko webgunetan dagozenak: Juanito
San Martinena, adibidez). Hor dagozen argazkixetako batzuk seguraski ez
dira Bolunburuk edo San Martinek etaratakuak (nik bat baiño gehixago
dakadaz identifikauta). Zelan ipiñi leikixo copyright (edo copyleft) bat
norberak egindakuak ez dirazen erretratuei?
Adibidez: nik erretratu asko dakadaz etxian, gehixenak neuriak
egindakuak, baiña ASKO lagunak egindakuak, eta neri kopixak emonda.
Hamendik urte batzutara, ni hiltzen naiz, eta nere familixakuak
erretratuak XXX ekartiari emoten detsez, blokian; gero XXX elkartiak YYY
erakundiari lagatzen detsaz, online ipiñi deixazen. Eta online bilduma
hori ZZZ lizentziapian banatzen da... ze deretxokin?
Ondo dago lizentziak errespetatzia, baiña zalantza haundixak dakadaz
hain tikismikis jartziak merezi ete daben... Eta barriro diñot ez
nabillela zuengaittik bakarrik, Bego; konkretamente Wikipedian
pentsatzen nago, han hgauza honekin oso zorrotzak diraz eta.
O.
15/02/2018 16:11(e)an, [email protected] igorleak idatzi
zuen:
Subject: [eibar] FW: Ego Ibarra webgune barrixa
Message-ID:
<5CED74B230EB1543940DDAA0D8651941E073E3CC@neibarmail.eibarkoudala.local>
Content-Type: text/plain; charset="iso-8859-1"
Egun on.
Ego Ibarraren webgunean dauden argazki gehienak -Udal Artxiboko banaka batzuk
izan ezik- partikularrek erabilera-lagapen bidez utzitakoak dira, hau da:
webgune honetan argitara emateko berariaz eta idatziz lagatakoak. Beraz, ezin
dira beste inon argiratatu eta gu ez gara nor guri utzi dizkiguten argazkiak
beste inori emateko.
Horrelakoxea dugu Bolumburu argazki-bilduma ere, webgunean jartzeko utzi
zigutena, batik bat, funts horretan azaltzen direnen berri izateko edo nortzuk
diren jakiteko. Zaila izango da, gehienak 1901-1925 tarte horretakoak direlako.
Hala ere, Ego Ibarrak inoiz gutxitan egin izan du bitarterkaritza lana argazki-lagapenaren
kontu honetan. Esate baterako: Eibarko "gerrako umeen" argazki batzuk, Alcala de
Henareseko Unibertsitateak antolatutako " erakusketa ibiltarian daude, Unibertsitate
madrildarrak argazkiak eskatu, guk argazkiok utzi zizkigutenengana jo eta, haiek, idatziz,
onespena eman zutelako erakusketa horretan beren agiri horiek jartzeko. Baina hori ez da, ez
legez eta ezta izatez ere, gure lana edo zeregina.
Azalpen horiekin Oierrek egindako galderari erantzun diodalakoan agurtzen
zaituztet
--
***
Oier Gorosabel Larrañaga
http://www.abante.eus
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
