Nyoe beurajekthat meuah, sjedara bandum. Njeng lon teupeue hana istilah
seulamat uroeraja, seulamat pagi, seulamat sore, seulamat malam dan
matjam-matjam seulamat laen lom, bagi geutanjoe ureueng Islam. Njeng na
istilah: "Assalaamu'alaikum warahmatullaahi wabarakaatuh". Artidjih seulamat
ateueh droeneuh bandum dan rahmat Allah seureuta berkahNja. Hana istilah
seulamat keu beungeh, keu seundja, keu malam dan keupeue manteng seulaen
manusia. Njan istilahgob lagee miseue seulamat Natal. Djadi Natal njeng
seulamat ken manusia. Meuseubab hantem ureueng sueue, sang-sang aneh
naritlonnjoe. Hainjoe meuseubab digeutanjoe hana meupat system, sabe udep lam
system gob, makadjih teuweteuh hai njeng lageenjoe. Bahpih meunan njoe nakeuh
masaalah leumbei keu 27 tudjoh, djadi hanathat peunteng, beksampe djeuet keu
dawa sare. Njeng leumbeisa nakeuh peubibeueh bansa Atjeh beksampe
djipeukeulabee sabe le awak saboh matjam, he he he.
Meuseubabnjan lon utjapkan Seulamat keudroeneuh bandum bak neupeurajek uroe
Rajanjan. atawa "Seulamat neumeu uroe Raja". Seumoga Allah neulindong geutanjoe
bandum dari peuemanteng njeng hana redha droeneuhnjan. dan beuteutap meusatu
dan beksagai bosan bak peubibeueh kaom dhuafa meuseubab njankeuh aneuk guntji
Sjuruga.
Pakiban teungku peue ekdjeuet keu masalah. Meuseue djeuet keu masalah,
bekthat neudjakboh pekeran sare keu narit lonnjoe. Neukheun ladju kiban njeng
seunangdroeneuh. Njeng peunteng lon lakee meuah bakdroeneuh andaikata
naritlonnjoe meuganggu pikerandroeneuh. Njeng leubehthat peunteng geutanjoe
hana uroe raja meuseue sjedara geutanjoe manteng le njeng meunderita. njoe
sabantjit lagee na sidroe anggota rumoh tanjoe njeng saket meukuwin lamtika eh,
pane na istilah bagi anggota njeng laen untok djak meuseunang-seunang.
Meunantjit manteng le ureueng geutanjoe njeng geuilah daja kiban tjara
beudjeuet geu ek u Hadji deungen keunira bahwa ohlheueh woe dari hadji lagee
keureutah puteh neupeugah lee Rasulullah. Padahai Rasulullahpih na neupeugah
syarat ek u Hadji bekna meusidroe ureuengpih lam gampongnjan njeng meunderita
udep. Meuseue na sidroe manteng na ureueng njeng meunderita udep, meusidroepih
njeng ek u Hadji hana redha Allah, keutjuali biaja untok ek u Hadjinjan geudjok
keu ureueng njeng meunderita bunoe. Biaja njeng tadjok keu ureueng meunderita
udep bunoe sabantjit deungen ka ta ek u Hadji. Artidjih geutanjoe ka Neuampon
desja le Allah, yakni gleh lagee keureutah puteh njeng neupeugah le Rasul
bunoe. Teuma meuseue ureueng galak keu titel Hadji panena geudjak teumeu
deunge narit njeng lagee njoe.
Di Acheh meuleupahle manteng ureueng menderita lagee para musibah Tsunami dan
musibah konflik seureuta musibah bandjer baro-baronjoe njeng batjut saho lagee
musibah duaboh njeng awai tamarit. Keutjuali musibah Tsunami, bandua matjam
musibah njeng laen nakeuh akibat ulah sipakteureudjang kawom dhalem dan
seurakah. Andai geutanjoe na tahayati lam dadateuh, hansampe tadjak ek u Hadji
tadjak mita ampon desja dan mita pala. Geutanjoe ureueng njeng meuiman memang
patet talakee ampon bak Allah swt, tapi meuseue hana tapahami beutei tjara
njeng neupeuteunjok le Allah dan Rasulneuh, ken amponan dan pahala njeng
meuteumeu tapi sikada keubanggaan Donja manteng.
Tji geutanjoe reunungkan paken na Hadist njeng artidjih: "Padum nale ureueng
puasa tapi hana meuteumeu sapeue keutjuali deuek deungen grah", Padum nale
ureueng shalat tapi hana neuteurimeng", Padum nale ureueng top aurat tapi
sabantjit ngen hana geutop", "Tidak pernah beriman kepadaku orang yang tidur
kenyang sedangkan tetangganya kelaparan, dan jika penduduk sebuah desa tidur
nyenyak sedangkan ada salah seorang dari mereka yang kelaparan, maka Allah
tidak akan melihat kepada mereka pada hari kiamat".
Firman Allah dalam surah Al Maun: "Tahukah kamu (orang) yang mendustakan
agama? Itulah orang yang menghardik anak yatim. Dan tidak menganjurkan untuk
memberi makan orang miskin. Celakalah orang-orang yang shalat (Neraka Wel lah
bagi orang-orang yang shalat). (Yaitu) orang-orang yang lalai dalam shalatnya.
(Yaitu orang-orang yang ria. (Orang-orang yang shalatnya bukan karena Allah
tapi sekedar untuk memperlihatkan kepada manusia). dan enggan menolong dengan
(barang) yang berguna". Sungguh benarlah Allah atas segala firmanNya.
Djadi njankeuh seubab Allah han redha keu ureueng Acheh njeng ek u Hadji,
meuseubab lethat ureueng Acheh ken tingkat deuek manteng watee geueh malam tapi
menderita lahe-baten atawa seungsara. Djadi meuseue geutanjoe peureulee redha
Allah, peubibeueh ureuengnjan dilee mandum, baro lagee keureutah pouteh, ampon
desja tapi han neuteurimeng meuseubab titeldroeneuh hana. Andaikata nanggroe
geutanjoe toe ngen Mekkah hanadjeuet keupeukara meuseubab hana peureulee biaja.
Atawa Nanggroe geutanjoe kabibeueh, hanale ureueng njeng sengsara, baro
sa'atdjih geutanjoe djak u tanoh mulia.
Natingatneuh borodjeh dikheun le Muammar Khadafi bahwa djinoe geutanjoe
hanapeu tadjak u Hadji. Leubeh get tapeusapat beulandja, tagasak Israel ke laut
mati. Setelah itu barulah saatnya kita naik Haji. Ironisnya narit Khadafi njeng
beuteinjan dipeukeulabee le ulama gadongan. Dipeugah le ulama Bal'amnjan bahwa
Khadafi ka pungo. Padahai njan nakeuh ulama gadongan njeng hana meuphom hakikat
Hadji. Imam Hussein bin Abi Thalib as neudjak u Hadji sigohlom neu hidjrah u
Karbala. Tapi lheege sagai neutawah, neupidato bahwa droeneuhnjan akan neu
hidjrah keu mate di Karbala. Neupeugah le droeneuhnjan bahwa mate meudarah
atawa matee mirah nakeuh mate njeng paleng dhiet lagee kalong meulingka bak
takue dara nan rupawan. Narit Imam Husseinnjan that dhiet (sangat indah) tapi
sangat meudjuhom (mencekam) bagi ureueng-ureueng njeng hana mantap idiology,
hingga geupileh meudoa manteng dan peuseuleusoe Hadji bahpih Imam Hadji (Imam
Hussein) ka beurangkat u Karbala.
Andaikata ureueng ramenjan mantap idiology pasti memahami bahwa melakukan
Tawaf disaat Imam pergi berjuang, sama dengan melingkari istana hijau Yazid.
Billahi fi sabililhaq
Muhammad Al Qubra
[EMAIL PROTECTED]
Sandnes, Norwegia.
arbi payapo <[EMAIL PROTECTED]> skrev:
Kruuu Seumangat.......!!!
Seulamat Uroe Raya...
Meunyena Salah Bak Rakan Sahbat,
Jaroe Tameumat Beu-Ampon Deesya.
Saleum Damee,
ARBI & KEL
__________________________________________________
Bruker du Yahoo!?
Lei av spam? Yahoo! Mail har den beste spambeskyttelsen
http://no.mail.yahoo.com
