| Date: | Wed, 6 Sep 2006 04:54:33 +0200 (CEST) |
| From: | Yahoo! DomainKeys has confirmed that this message was sent by yahoo.dk. Learn more |
| Subject: | SIPATAH KALAM |
| To: | |
SIPATAH KALAM KEU MANDUM PEUDJUANG NJANG MANTONG MEUSEUTIA KEU PEURDJUANGAN KEUMEURDEKAAN DAN HANA MABOK KEU MoU HELSINKI ATAWA PANGKAT LAM PILKADA & BRR
Sjeudara Bansa Atjeh meutuah mandum,
Bismillahirrahmanirrahim.
Assalamulaikum wrt. wbt.
Meunsjen mandum ulon tuan keu gata mandum. Weuh hate ulon tuan watei lon ingat nasib ngon peurangeui Bansa Atjeh matjam rupa watei ulon tuan kalon.
Na njang peugah droe peudjuang, tapi troh bak akhe kadjeut keu peungkhianat. Watei ulon tuan kheun peungkhianat njoe matjam-matjam rupa. Na njang ladom watei leumah peng, pangkat, dan njang seurupa lagei njan, njan geusangka katroh meukeusud lagei kasaban ngon mardeka. Na njang peugah sjit tatjok dilei
pue njang kana. Keu meuramah ek ukeu hana geukira. Keu gadoh maruah ngon ie muka teuh hana geukira. Bak meurakan ngon musoh pih, walaupun geupeugah geupura-pura, geutanjoe Bansa Atjeh njang laen pih ka malei teuh bak takalon. Hana geukira pue njang geupeulaku njan djeut keu fitnah lam peurdjuangan geutanjoe.
Ladom pih peugah droe tjarong bak meupulitek lam peurdjuangan. Meunjoe tapeugah pandangan ngon nasihat geutanjoe mandum hana geudeungo. Peurangeui geuh lagei rimueng djuah. Watei tapeuingat ngon tjara haloh hana geudeungo atawa hana muphom. Meunjoe taseurapa njan ladju sang geuneuk uet geutanjoe. Djeh ladom djak meudjuang kon kareuna
geupike keu nasib bansa, tapih geupuke keu nan droe geuh, keu pruet droe geuh, keu pangkat droe geuh. Kakeuh pue njang djitubiet lam pruet droe geuh, geusangka kabeutoi mandum.
Padahai watei tapeurunoe lek geutanjoe meubatjut njan, nakeuh sabab didroe neuh njan seubeunar djih hantroh geuseumike bak pue njang geutanjoe seumike. Njoe sabab hana geudeungo haba geutanjoe meubatjut theh pih keuh ladom kadjeut keu binasa droe ngon binasa mandum Bansa Atjeh laen.
Njoe padum-padum boh tjonto lon tuan keuneuk peutrang lam tulesan njoe. Boroedjeh djoh gohlom teken MoU Helsinki, djoh mantong ureung lam nanggroe geupeuek prang hana patah seumangat geulawan seudadu peundjadjah TNI/POLRI, njan ladom njang djeut keu keutuha-keutuha atawa njang roh lam seuh njan geurasa tjukop that bangga meunjoe na reporter aseng njang teuka keunan u nanggroe djak tjok video untok djipeugah djikeuneuk peugot laporan bak media djilapor man saboh donja. Hana geupike atawa meutjhok mubatjut pih bahawa njan keuh mata-mata untok peuantjo peurdjuangan Bansa Atjeh. Njan mandum na bukti djeut takalon, pakriban ureung geutanjoe njang roh lam seuh mate meukeuba watei lheuh geudjak peutunjok rata sagoe bak reporter aseng si William (Billy) Nessen njan, pat geumusom, pat geumuprang,
pakriban geumuprang, pakiban geubangun keukuatan lam seuh prang njan. Ladom di reporter aseng njan tjit djimita tjara beudjeut djimeukawen ngon ureung geutanjoe dan djipura-pura tamong agama geutanjoe. Di ureung geutanjoe watei djipakat meukawen tjhit ka galak that. Djeh sabab nuga djih rajok atawa apam djih lagei gapeuh. Adak hana djipeubuet tuntotan agama pih hana pue. Ladom ureung geutanjoe keudroe njang meukawen njan pih kon that geupakoe pih keu tuntotan agama. Agama geulawok-lawok sagai, djeh sabab geupeugah njan agama njan pusaka ma ngon jah geuh tinggai. Meunan sjit djak deungo haba si Matti Athisari, si Damien Kingsbury, si Pieter Feith. Njan mandum bidjeh paleh njang na agenda droe djih di Atjeh. Njan meunjoe tapeugah bak peureute apa tampok lagei si Irwandi Yusuf dan laen-laen njang meungon ngon eungkong njan, sagai han
djideungo dan hana troh pikeran djih keunan.
Njang meukawen sare keudroe-droe Bansa Atjeh pih get that hek teuh bak takalon peasan. Ladom di inong ka ngon siluweu Lee keutat, ngon badjei oblong. Top ulei sjit ka tan. Di lakoe pih saboh lagei. Gadoh ngon siluweu puntong lagei si apek siram gulei ngon ek bui. Digeutanjoe get that hek teuh bak tapike ladom. Pajah tapeuabeh minjeuk moto teuh pajah beu krap tadjak saweu, tadjak peurunoe beut keulai. Minjeuk moto pih tjukop meuhai djinoe. Njoe njang patot tapike lek geutanjoe mandum. Bek ladom gadoh peuabeh watei tuleh broh putoh lagei manok sawan. Peukara njang lagei njoe hana takira. Gadoh gabuek
sokong buta MoU Helsinki. Tapeurunoe lagei tapeurunoe leumo pungo sapue han geudeungo.
Meunjoe geutanjoe tanonton lagei video Munich: Operation Bayonet, akan takalon pakriban kisah njata lam video njan djipoh ureung lek keulompok musoh Allah njang kageuseubot lam Al-Quran. Djipeuguna reporter aseng keu umpeun untok djimeurumpok ngon target njang djikeuneuk poh. Djipeuguna inong untok djipeuumpen ureung njang djikeuneuk peuabeh. Matjam-matjam tjara djipeuguna lam operasi keulompok laknat njan. Ladom rhoh djipoh ureung njang kon target djih, sabab ka salah bak kalon photo. Sabab ladom na ureung njang rap sabab
rupa.
Teuma di keulompok njang peugah droe saboh keulompok teuk dan meungaku droe meuiman keu Allah Taala, njan pih takalon saboh lagei saboh peurangeui. Watei meurumpok inong pih sang adak djeut beu geuhirup lagei geuhirup kuah masam keueung. Njan sidum na sang mangat. Hana geukira desja ngon nuraka. Njoe na lam kawan geutanjoe djinoe, njang lagei njan. Seuhingga takalon watei geupeugah droe geuh seubagoe peudjuang pih katabeu bak takalon, meunjoe hana mutah teuh. Njoe watei lon tuan peugah njoe, di ulon tuan na bukti, tapih gohlom troh watei untok lon djak seupreuk lam surat njoe djinoe. Takalon masa djih dilei padjan njang seusuai. Teuma
meunjoe ureung njan ka djitaubat, njan hana pajah tasipreuk keudeh.
Ladom pih watei geupeugah droe geuh peudjuang pih han djeut tapateh ladju. Djeh sabab takalon uroe-uroe gadoh djak rata sagoe ngon badjei kot djak deumahoh rata sagoe. Keuridja beuo, bak peugah haba lagei eksekutif rajok that dan ureung laen mandum bangai, bak meurakan pih pileh-pileh. Asai ka meurakan ngon eungkong puteh njan ka bangga that. Ladom adak hana beulandja pih, djak geumadei bak geutanjoe keuneuk me eungkong puteh njan sadjan geuh ho njang geudjak. Hana geutupue njan eungkong puteh njan na meukeusud laen didjih, pangkat, beulandja, atawa djikeuneuk peuantjo
peurdjuangan geutanjoe. Ladom pih peugah bak geutanjoe didroe neuh njan krap that meurakan ngon eungkong puteh njan. Bangga lom peugah bak geutanjoe. Njan meunjoe peugah haba rot taloepun di keu geutanjoe ngon eungkong puteh njan, kon le teuh bak peutunjok bak geutanjoe.
Na sjit rakan geutanjoe ladom di dalam atawa di lua nanggroe, asai na eungkong puteh njang teungoh peugot peuneulitian meungeunai Atjeh djilakei wawantjara, njan peugah ladju pue njang teusuet. Ruah ladju pue njang geutupue. Buka ladju thong-thong siluweu geuh di keu eungkong puteh njan. Hana geuteupue njan eungkong puteh njan djipeugot njan mandum untok pupulariti droe djih,
miseu djih meutume pangkat Ph.D., dan wase-wase laen dum djitume. Meunan sjit ladom wase peunelitian njan akan djipeuguna untok djipubrok ureung ngon peurdjuangan Bansa geutanjoe. Kon djikeuneuk bantu peurdjuangan geutanjoe. Njan beutamuphom lek geutanjoe mandum. Meunjoe ureung hana troh dseumike keunan, akan geupeugah ladju broh-broh putoh. Adak tapeuingat lek geutanjoe pih hana geudeungo sapue. Kadang-kadang pajah taseurapa baro geudeungo. Njang kloprip ladom njan geumuprang ngon geutanjoe.
Na sjit ladom ulon tuan kalon di lua nanggroe njang djak meurakan ngon ureung-ureung bak channel TV lua nanggroe. Meusot-sot keunan lakei asei meukurap
djak tamong droe djiwawantjara lek awak TV njan. Djeh galak njak deuh muka geuh bak siaran TV njan. Na sjit ladom djak keuridja djeut keu peunteurdjeumah Bahsa Atjeh bak kanto TV njan. Hai ladom ulon kalon djibajeu keu rakan njang djeut keu tukang peunteurdjeumah njan. Kana sjit ngon bloe breuh meu dua lhei are. Tapih hana geupike ngon hana geukira, pakriban bak saboh watei njan hase program TV njan djiputa putie untok djipubrok peurdjuangan geutanjoe. Pue lom lam keuadaan donja masa djinoe, peurdjuangan lagei geutanjoe peudjak njoe hana galak djih lek eungkong puteh njan. Sabab djitupue, meunjoe geutanjoe meunang njan geutanjoe hana taikot tjara hudep eungkong puteh njan njang punoh laknat. Njan hantroh geuseumike lek ureung-ureung njang lagei njoe rupa. Ureung lagei njoe ka bangga geuh meunjoe kageutumei peutamong siaran Atjeh lam atjara TV lua nanggroe, ka bangga meunjoe djibi peng djeut bloe breuh meu dua lhei are, ka bangga meunjoe leumah ablak droe neuh njan bak
katja TV lua nanggroe.
Suai meukawen njan pih pajah ulon tuan peuingat di sinoe. Kon asai ka meutumei keubeue-keubeu bak djalan ka meukawen ladju. Njang peurtama, Bansa Atjeh ngon djawa njang pantang meukawen. Njan pakon? Sabab musoh bansa ngon nanggroe geutanjoe djinoe teuka dari djawa. Meunjoe geutanjoe tameukawen ngon djawa, njan seumanagat untok tapumardeka nanggroe ka tabeu, atawa hana le seumangat njan bak geutanjoe dan bak keuturunan geutanjoe. Teuma meunjoe nanggroe ka mardeka, njan teuseurah keu maseng-maseng geutanjoe. Djeh ladom tidjoh ie babah mungken galak bak kalon boh pha si inem watei djidjak me raga djamu. Njan hana pat tham.
Tapih deungon sjarat Nanggroe Atjeh ka mardeka.
Teuma suai meukawen ngon bansa laen atawa kulet puteh atawa itam, atawa kuneng, atawa belawu, njan hana larangan. Asai geutanjoe njang meukawen njan sanggop tadidek agama bak ureung njang tameukawen njan atawa njang tameukawen lek geutanjoe njan leubeh get djipeutimang agama dari geutanjoe peutimang. Bek sampoe ureung njang tameukawen njan djeut keu fitnah lam masjarakat, djeut keu fitnah lam peurdjuangan geutanjoe. Njoe toh tjonto djih djeut keu fitnah? Hai ladom hana djiseumajang, hana djitop aurat, peurangei saban lagei sangkilat atawa kaplat, hana djisokong peurdjuangan geutanjoe. Njoe
tjonto-tjonto djih. Geutanjoe bek lagei kaplat-kaplat njang djinoe teungoh mabok geuneuk meureubot pangkat lam Pilkada. Di kaplat-kaplat njan djinoe teungoh gabuek geumeurunoe batja Al Quran. Sabab njan salah saboh sjarat djeut keu tjalon kaplat njan.
Watei lheuh teupileh djeut keu keutuha kaplat di Atjeh, njan kaplat-kaplat njan dum akan geutjok Al Quran geusangkot u ateuh sandeng atawa geugiduek di mijub punggong geuh. Hana le geuikot Al Quran bak geumeuudep uroe-uroe dan hana geupeuguna Al Quran le bak geupimpen atawa geubangun nanggroe. Njoe pue sabab lagei njoe? Njoe keuh tjara njang ka sabe djipeurunoe lek tuan djawa
geuh. Njan mulai teuk geu keuropsi, geupeungeut rakjat, geupeukaja droe geuh ngon keuluarga droe geuh, geudjak poja-poja peng untok geudjak meuseunang-seunang droe geuh. Adak tajue bangun rakjat pih hana eleume lam ulei. Njang na sjit ek lam ulei. Peugot peunataran njoe, peugot peunataran djeh. Njan realiti meusapue han keumah dan han geutem. Meunjoe na sigo-go djak le meuphoto-photo ngon eungkong puteh njang na meukeusud droe djih. Njan lagei bak BRR njan, najn ube nap eng di sinan akan abeh. Akhe djih Bansa Atjeh hana meuubah nasib djih. Meunjoe troh geutanjoe njang ikheulaih hate teuh dan na pikeran untok tabangun Bansa Atjeh, njan ladju djisipak u lua teuh. Teuma djinoe handjeut tapeurap droe teuh dilei lam BRR njan, meunjoe nanggroe Atjeh gohlom mardeka. Meunjoe nanggroe Atjeh ka mardeka, njan njang djinoe djak keuridja di sinan kareuna harap meutumei gadji raja, djeh keudeh lam blang taparoh tajue djak muuei. Sabab taturi njan mandum njang keuridja di sinan, soe
njang djeut keuridja, dan soe njang tokang padjoh gadji mantong. Si Kuntoro ngon biek djih mandum njan, sjit pajah talet ngon peudjampoh djok meutjru-tjru tajue djak gisa keudeh u pulau djawa tajue djak eh di mijub tutue.
Njoe keuh oh noe sagai dilei nibak uroe njoe. Meunjoe na pandangan atawa pikeran tji neutulong balah lam email njoe. Meunjoe hana meukeunong bak hate neuh mandum ngon tulesan njoe pih bek seugan-seugan neuh bak neutuleh. Njan hana beutoi tapeubeutoi. Njan hana muphom tapumuphom.
Wassalam.
P/S: Om Puteh bek tuwo batja tulesan njoe. Bek gadoh mumang ngon hikajat musang MoU Helsinki. Pakon "Om" Puteh hana "Om" balah ladju surat "Keponakan Om" njang baroe? Pue pajah batja "Sinar Darussalam" dilei keu bahan rudjukan? Njan "Sinar Darussalam" teumpat Prof. Ismuha tuleh hikajat musang djameun. Lahe sidroe tjutjoe badjeung Prof. Ismuha hana
djituleh lam "Sinar Darussalam". Njan "Om" Puteh hana neuteupue haba njan. Tapih "Keponakan Om" deuh meukalon atra njan bak djak ek u di Darussalam. Njan ka neukalon pakriban hebat "Keponakan Om" njang buet djak ek u tiep uroe. Hana pajah djak sikula bak "1A1N" keudeh.
----------------------------------------------------------------------------
Sitangke bungong keu Omar puteh
Assalmualai kum bungong bankeumang
Keu bandum rakan dalam ngon luwa
Keu umar puteh bacut lon karang
Yang teungoh mumang di Norwegia.
Razali abdullah nan jih hai rakan
Jihôi jih teuma Razali paya
Ureung jih hitam sama ngon arang
Sama that ruman india mama
Ôh watee jijak baho jih keumang
Tanda dijih nyan teukabo ria
Inong jih gayo Simok ji hôi nan
Aneuk jih teuma dua boh kana
Bak watee jiduek di kayee ara
Damansara sinan nangrou malaya
Peugot fitnah tiep uroe tuhan
Laen nibak nyan hana keurija
Hoho yang jijak na ba taih itam
Bak takue teuma
na dasi ija
Ta-eu dalam taih punoh dum barang
Punoh di sinan dokumen negara
Tamah lom foto gamba kapai prang
Tamah lom tuman gamba senjata
Bak rata ureung peugah ata gam
Peugah u dalam le that senjata
Meu- kapai2i ban trok from thailan
Di kirem buklam lé Zakaria
Meusoe han patéh bandum ata nyan
Di tuleh ngon nan cuak ji kira
Teuma ôh dudoe sampoe le tuman
Di ba lé UN u norwegia
Di bri ngon pangkat keu penerangan
Tamah lom calon duta benggala
Duta bangladeh saheh hai rakan
Tapi nyan bandum lumpou si mata
Seubab dijak éh cot uroe timang
Ôh lheuh woe lam blang rhah gaki hana.
Di Norwegia li paya si nan
Bri penerangan keu ureung buta
Omar puteh di balék ngon nan
Peutubiet statemen
ata negara
Haba tan peunténg habéh geu karang
Keu perjuangan faèdah hana
Habeh e-mail gop peugah MP gam
Bah pih awak nyan ureung biasa
Meusoe nyang tuleh teupeh awak gam
Jeut su-uem badan Razali paya
Ji bèla sabé uroe ngon malam
Keu Malik Mahmud PM celaka.
Dari:
Dara Aceh
How low will we go? Check out Yahoo! Messengers low PC-to-Phone call rates. __._,_.___
Tahukah anda!!! Lantak group tidak menapis sebarang maklumat yg anda kirim??? Inilah yg membuat berita anda cepat dan jelas (jangan salahgunakan keistimewaan ini)...
beri tahu maklumat ini kepada rakan anda, ajaklah mereka untuk bergabung bersama dengan hanya semudah megirim email kosong ke: [EMAIL PROTECTED]
Salam perjuangan.
--------------
ACHEH - Tiada pilihan lain selain MERDEKA!!!
**UNTUK BERHENTI MELANGGAN DARI MILIS LANTAK:
kirimkan email anda kepada [EMAIL PROTECTED]
http://lantak.cjb.net
*PLEASE REPORT ANY LANTAK ABUSE TO: [EMAIL PROTECTED]
SPONSORED LINKS
| Asia business | Asia | Region mortgage company |
| Regions mortgage inc | Regions mortgage |
Your email settings: Individual Email|Traditional
Change settings via the Web (Yahoo! ID required)
Change settings via email: Switch delivery to Daily Digest | Switch to Fully Featured
Visit Your Group | Yahoo! Groups Terms of Use | Unsubscribe
Change settings via the Web (Yahoo! ID required)
Change settings via email: Switch delivery to Daily Digest | Switch to Fully Featured
Visit Your Group | Yahoo! Groups Terms of Use | Unsubscribe
__,_._,___
