Pakriban Geutanjoe Tangiëng
Droëteuh ???
Tengku Hasan di Tiro
NJOËKEUH SABOH SU-EUË NJANG RAJEKTHAT KEU GEUTANJOË BANSA ATJÈH BAK MASA NJOË, NJANG WADJÉB TAPHAM UROË DAN MALAM. SABAB BAK DJEUNAWEUËB GEUTANJOË ATEUËH SU-EUË NJOËKEUH MEUGANTUNG NASIB BANDUM GEUTANJOË BAK MASA NJOË, NASIB KEUTURUNAN BAK MASA UKEUË DAN NASIB NANGGROË ATJEHNJOË ATEUËH RHUËNG DÔNJA.Meunjo geutanjoë tangiëng droëteuh lagèë saboh bansa njang hina, njang leumôh, njang kon mulia, njang djeuët gop peungeut, njang djeuët gop peurintah wië-uneun, njang tém seumah bansa laén, njang tém teurimong peurintah nibak gop njang teuka, maka bansa geutanjoë keumeuëng hantjô, nan geutanjoë keumeuëng gadoh, Nanggroë Atjèh njoë keumeuëng djeuët keu djadjahan gop, dan bansa geutanjoë keumeuëng djeuët keu lamiët gop. Sabab meunjo tangiëng droëteuh lagèë saboh bansa njang hina, maka hana lé tjita-tjita dan seumangat keu mulia; meunjo tangiëng droëteuh leumoh, maka hana lé seumangat pahlawan, meunjo tangiëng droëteuh bangai, maka geutanjoë tadjak seutot bansa gop njang akibatdjih hana laén nibak keunong tipèë.Teutapi meunjo geutanjoë tangiëng droëteuh lagèë saboh bansa njang mulia-lagèë teuladan njang ka geubri lé éndatu-teuh maka geutanjoë han sagai tatém djipeurintah lé bansa gop njang tamong u nanggroë geutanjoë. Meunjo geutanjoë tangiëng droëteuh sibagoë saboh bansa njang mulia, njang hana sapeuë kureuëng nibak bansa laén, njang kon ngeut, njang kon leumoh, njang beuhô, njang teupeuë peuë keupeunténgan droëteuh, ta tuoh atô rumoh dan Nanggroëteuh, njang pantang djipeulamiët lé bansa laén, njang ka meuribèë thôn hudép mulia, meugah dan meurdéhka, njang ka teupeuë hak droëteuh, maka meunjo tangiëng droëteuh lagèënjan, geutanjoë Atjèh keumeung meubeudoh keulai, Nanggroë Atjèh keumeung makmu teuma dan bansa Atjéh han lham ateuëh rhuëng dônja.
Geutanjoë Atjéh na saboh bansa ateuëh rhuëng dônja lagèë bansa-bansa laén tjit: geutanjoë na Nanggroë droëteuh: Nanggroë Atjèh; geutanjoë na basa droëteuh: basa Atjèh; geutanjoë na riwajat droëteuh: seudjarah Atjèh, njang ka geupeugot lé éndatu teuh. Njoëkeuh pusaka njang handjeuët sagai ta tuwo, uroë dan malam, beungoh-seupot, pat njang taduëk, bôh bak gaki Seulawah, bôh bak putjak Geureudông, bôh bak binéh Kuta Aneuk Galông, bôh di Iërupa atawa di Amerika.
Nanggroë Atjèh njoë na keuh ibarat saboh kuta raja, njang ka geupeudong lé éndatu geutanjoë turôn-teumurôn meuribèë thôn njang ka u likôt keu teumpat hudép, keu teumpat maté, dan keu teumpat meuneuèn geutanjoë aneuk-tjutjo geuh. Kuta njang tjeudaih that njoë, njang meu asoë blang idjô, gunong meutjukèh awan, ban silingka laôt masén, diteungoh laôt Tawa, ka geupeudong dan ka geupeutheun meuribèë thôn nibak djirampaih lé bansa laén, Timu Barat, Tunong Barôh, bôh deungon djalan diplomasi, bôh deungon geumuprang. Hana jum njang han geutém bajeuë, hana sôsah njang han geutém tanggông, hana phét njang hana geutém rasa, bah that pih njawong geutém bri deungon suka-rila bak peulara tanoh mulia, Nanggroë pusaka njoë.
Bak watèë lheuëh prang raja deungon Beulanda, njang phôn mulai bak thôn 1873 dan barô habéh bak thôn 1937, hana meusidroë peumimpin rajek bansa geutanjoë njang mantong hudép, keureuna bandum geupiléh maté mulia dalam mideuën prang nibak hudép hina dimijup Beulanda. Teuladan njang ka geubri keu geutanjoë aneuk-tjutjo njoë na keuh mutlak that, handjeuët ta bantah dan hana geuprèh djeunaweuëb nibak geutanjoë: beugi keuturônan Atjèh, hudép ateuëh rhuëng dônja njoë kon asai na hudép mantong; geutanjoë leubèh djroh maté nibak hudép hina dimijup peurintah bansa gop; bansa Atjèh njoë pantang djipeurintah lé bansa laén. Lagèë tjit ka geupeuingat dalam hikajat éndatu geutanjoë:
Hadjat lôn, aneuk,
Tadong beu kong,
Beu meu glong,
Lagèë geu pula.
(Putroë Peukisôn)![]()
Tengku Hasan di Tiro: "Kamoë meungiëng hana jum dan hina keu Djawa atawa soëpih njang laén njang djidjak peugah droëdjih "peumeurintah" ateuëh geutanjoë"
Seubab teungoh teumeuteu-oh peukara pimpinan ANGKATAN ATJÈH MEURDÈHKA maka ulôn keumeuëng peugah-tjit batjut peukara hai Waki Keuteuha njang Phôn, Waki Ulôn, Dr. Muchtar Hasbi (32). Gobnjan ahli dalam hai peu-ubat peunjakét nanggroë2 seu-uëm - tropical diseases - dan geuteurimong diplom barô nibak djaroë Radja Siam, Bumiphol Aduljadej, di Bangkok, seubab droëneuhnjan na sibagoë Ulèë nibak universitèt di Bangkok. Dalam rantjana kamoë, Dr. Muchtar akan teutap geuduëk di Wilajah Pasè. Muchtar Hasbi na sidroë ureuëng muda deungon sipheuët2 njang dinamis lagèëna hingga gobnjan handjeuëthan djeuët keu peumimpin manusia bahthat pat geuduëk.Ulôn hana hubôngan droë njang akrab deungon Muchtar sabab gobnjan geuduëk di Medan dan ulôn duëk di New York ka dumnan tréb. Teutapi ulôn meuturi ngon ajah gobnjan, Tgk. Hasbi, sidroë ureuëng bako Atjèh njang ka tréb geu-lakèë supaja ulôn gisa u Nanggroë djak pimpin bansa.Djadi Muchtar ka deudidék dan geupeurajek dalam suasana agama dan politék njang saban lagèë ulôn-tjit. Kamoë saban tjita2 dan saban keusadaran. Atjèh njan-keuh-kamoë. Kamoë meungiëng hana jum keu dan hina keu Djawa atawa soëpih njang laén njang djidjak peugah droëdjih "peumeurintah" ateuëh geutanjoë. Sabab-njan, keu ureuëng2 lagèë ulôn dan Muchtar hana peureulèë le that meututô, hana peureulèë meusapat-sapat.Dalam si-umu hudép kamoë hantom meusapat leubèh nibak padum2 uroë sagai, teutapi gobnjan na sidroë sjèdara sinjawong ulôn - dan meudjuta ureuëng Atjèh njang meu-peurasaan lagèë njoë. Kamoë tepeuë soë nibak kamoë njang musti bri peurintah, dan soë njang musti teurimong peurintah. Keuseutiaan geubri, dan geuteurimong, deungon hana pajah lakèë. Seudjarah geutanjoë njang panjang lagèëna njang peugot bansa geutanjoë lagèënjan. Njoë hana digob, na digeutanjoë. Njoëkeuh njang djamin keumeurdéhkaan Atjèh dimasa ukeuë - lagèë di masa-masa njang ka ulikôt. Njoëkeuh sabab pakon sipai Djawa - lagèë Beulanda baroëdjéh - han sagai-sagai keumah djidjadjah geutanjoë!Teutjok nibak buku JUM MEURDÈHKA
keunarang Tengku Hasan di Tiro, Ôn 32-33![]()
Sitjumèh nibak tjeuramah seurta pidato WN Atjèh Tengku Tjhik di Tiro Muhammad Hasan dikeuë Angkatan Prang Neugara Atjèh
"Beutatukri udép mulia dan merdéhka dan beutatukri maté lagèë éndatuteuh. Geutanjoë wadjéb tapeutheun adat, reusam dan adab droëteuh. Bèk tadjak tirèë2 keulakuan pantjuri2 djawa njang ka djidjak teuka u naggroë geutanjoë, djidjak peu-ureuëng2droë sibagoë peumeurintah ateuëh nanggroë geutanjoë. Djih hana sah djiduëk di atjèh meu-siminèt-pih. Dan pajah tapitjrok-djih lagèë éndatu geutanjoë ka neu-pitjrok beulanda uroëdjéh!"Nanggroë geutanjoë kadjeuët keu djadjahan djawa uroë njoë sabab salah politék nibak ureuëng2 njang mat pimpinan atjèh antara thôn 45 ngon thôn 50. Ureuëng njan katuwogeuh keu seudjarah politék dan keu hak hukôm nanggroë dan bangsa atjèh. Keusalahan njankeuh njang ka geutanjoë tjok langkah peubutôi bak uroë 4 desémber 1976, 11 thôn njang ka ulikôt uroë njoë, deungon geutanjoë peunjata keulai Atjèh Meurdéhka. Sabab rusak karaja lagoina didalam dan diluwa naggroë, leubèh2 lom dalam até dan tjara seumiké lamiët njang ka keumah djipasoë lé sipa-i djawa dalam até bangsa geutanjoë maka ka 11 thôn gohlom keumah tapubutôi peuë njang ka rusak njan. Dan kadeuh peureulèë watèë njang panjang. Tapi, ingat njoë: "Bèk na soë sangka geutanjoë han meunang. Bèk na soë sangka geutanjoë han meunang"!Perdjuangan dan djihad geutanjoë uroë njoë nakeuh meusambông langsông deungon nibak prang sabi éndatu geutanjoë bak neupeutheun bandéra njoë, neugara islam njoë, keumeurdéhkaan njang ka geutanjoë peunjata keulai uroë njoë, 11 thôn njang ka ulikôt. Prang sabi njoë ka teudjadi phôn bak uroë 26 mart 1873, 114 thôn njang ka ulikôt watèë uléh sipeundjadjah beulanda djipeunjata prang ateuëh neugara islam atjèh njang meurdéhka dan meudèlat.Uléh sabab buët pendjadjahan kaphé beulanda ka djidjak sambông uléh kaphé djawa-pantjasila maka ka wadjéb talawan kaphé djawa njoë lagèë éndatu geutanjoë ka wadjéb neulawan kaphé beulanda. Hingga sabab dan akibat prang njoë ka meusambông-sambông. Geutanjoë hana peuniléh dalam peukara njoë sabab prang njoë ka gob paksa ateuëh geutanjoë. Kon éndatu geutanjoë njang djak keudéh u nanggroë beulanda djak prang djih, teutapi bangsa beulanda njang djak u naggroë atjèh djidjak rampok dan djidjak poh maté geutanjoë. Meunantjit uroë njoë, kon geutanjoë njang djak keudéh u pulo djawa djak poh dan djak prang djih, teutapi bangsa djawa njang teuka keunoe u nanggroë atjèh djidjak rampok, rampaih dan djidjak poh maté geutanjoë di reumoh dan di nanggroëteuh.Dalam hukôm islam hana saboh prang njang leubèh sutji nibak prang geutanjoë talawan peundjadjah kaphé djawa-pantjasila uroë njoë. Langèt ngon Bumoe, Tuhan ngon Malaikat, Éndatudroë njang ka sjahid mandum na rot geutanjoë, mandum na sadjan geutanjoë. Hingga dalam prang njang sidumnan sutji njoë taktik dan strategi geutanjoe kalheuëh meutuléh dalam al-quran, dalam sunnah Rasullah dan dalam hikajat prang sabi keuneubah éndatu, Tgk Tjhik di Tiro Muhammad saman.Neuduëk geutanjoë lam dônja. Njoë, mansaboh dônja. KON djawa! Djih hana urôsan sapeuë ngon geutanjoë! Geutanjoë hana keupeunténgan sapeuë bak djih! Djih ureuëng bangai, ureuëng hana elumèë, ureuëng mundô, ureuëng hana rôh lam kawan lam dônja. Lamiët Beulanda! Djameun meunan - Uroë njoë meunan! Geutanjoë tadjak mita neuduëk lam dônja kon tadjak tamong lam masjarakat djawa! Teutapi tadjak tamong lam masjarakat dônja: masjarakat asia, afrika, europa dan amerika.
Want to be your own boss? Learn how on Yahoo! Small Business. __._,_.___
Tahukah anda!!! Lantak group tidak menapis sebarang maklumat yg anda kirim??? Inilah yg membuat berita anda cepat dan jelas (jangan salahgunakan keistimewaan ini)...
beri tahu maklumat ini kepada rakan anda, ajaklah mereka untuk bergabung bersama dengan hanya semudah megirim email kosong ke: [EMAIL PROTECTED]
Salam perjuangan.
--------------
ACHEH - Tiada pilihan lain selain MERDEKA!!!
**UNTUK BERHENTI MELANGGAN DARI MILIS LANTAK:
kirimkan email anda kepada [EMAIL PROTECTED]
http://lantak.cjb.net
*PLEASE REPORT ANY LANTAK ABUSE TO: [EMAIL PROTECTED]
SPONSORED LINKS
| Dvd region free | Region free dvd | All regions dvd player |
| Regions mortgage | Region free dvd player | Region mortgage company |
YAHOO! GROUPS LINKS
- Visit your group "Lantak" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
