Beste herri askotan bezala, igandean egingo da herri galdeketa Eibarren, eta *"Euskal Errepublika bateko herritarra izan nahi duzu?"* izango da Eibarren adostu eta planteiatu den galdera.
Pertsonalki aberasgarri eta interesgarria iruditzen zait prozesua eta horregatik parte hartzera animatzen zaituztet. Nik uste botoemaileen gehiengoaren erantzuna "bai" izango dela. Hau da botoemaile eibarratarren gehiengoak Euskal Errepublika bateko herritarra izan nahi duela adieraziko duela (besteek zer pentsatzen duten ez dugu jakingo oraingoan). Baina ez dut oso argi nondik nora ibili daitekeen partehartzaileen portzentaia Eibarko kasuan. Antzerako galdeketetan (ikus mapa http://gureeskudago.eus/eu/herri-galdeketak), herri txiki askotan partehartzearen %60a gainditu izan da: Arrankudiaga %61,59 ; Ispaster, %63,79, Bakaiku %65,33 Zaldibia 66,22; Mutiloa %71,50; ... ia bestelako edozein hauteskude batean ematen denaren pare. Aldiz, herri handiagoetan %20 inguruan ibili izan da: Arrasate %23,56 ; Beasain %21,13, Errenteria %15,51 ; Arrigorriaga %14,50 ; Zumarraga %13,43 ... Galiziako Estatutuaren erreferendumaren inguruan edo. Igande honetan tamaina honetako zenbait herrietan egingo da galdeketa : Mungia, Sopela, Zornotza, Durango, Lasarte, Zarautz, ... edo Eibar bera. Zehazki Eibar bezalako herri batean, nolakoa aurreikusten duzue parte hartzea igandeko herri galdeketan? <%10? %15? >%20? eneko [image: twitter] <https://twitter.com/eastigarraga> [image: linkedin] <https://www.linkedin.com/in/eastigarraga> [image: facebook] <https://www.facebook.com/eneko.astigarraga> [image: http://www.prospectiva.eu] <http://www.prospectiva.eu>
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
