Ane Urkiolak joan den astean bidalitako mezu bat zerrendatik pasatu barik geratu zen. Sentitzen dut, ni atzo konturatu nintzen.
Ez zen pasatu ze Anek artxibo erantsiak jarri zizkion, kartelak, eta mezuen pisu muga gainditu zen. Pisu muga hori inportanteagoa zen duela 16 urte Eibartarrak zerrenda hasi zenean orain baino (banda zabalera eta disko gogor handiagoak ditugu gaur), eta izatez, leundu ere egin da, baina hala ere, ni horren alde nago. Kartelak baziren, ba pegatu kartelak nonbait eta haren URLa eman. Edo bestela, gauzak hitzez hitz emanda zuzenean, hobeto. Anek izatez, testuan nahikoa informazioa ematen zuen. Posterra atxiki beharrik ez zegoen. --- Subject: BERREIBAR_Asteburuko ekintzak Kaixo, Zelan? Asteburu honetan, Berreibarko bi ekintza eder: 1. Zapatuan, Ekainak 14, *Kale Antzerkixa* hiriko kalietan zihar. *Eibarko bizitza ta industriaren historixa *ezagutzeko aukera Antxitxiketan Antzerkixak antolatuta. 11etan hasiko da Estaziñuan. (Posterra atxikituta). 2.Domekan, aldiz, 19etan *kontzertua* egongo da Bektokixan (Bittor Sarasketa 7, 1-ezkerra). *Anari eta Kokein*, 5€-n trukian. (Posterra atxikituta). Azkenik, *Txontan Harkaitz Cano eta Erb Mon* artistak elkarlanian eñndako proiektuan *TEASERra.* 22 eguneko proiektu sakona 3 minututan laburbiltzen ahalegindu gara. Jendiari jakinmina sortu eta etorri daittezen. :) https://www.youtube.com/watch?v=yBzCIYoUKao ---
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
